Ullarverið
Ullarverið er verslun, ullarvinnsla, vinnsutofa og aðstaða til námskeiðahalds. Ullarverið þjónar einstaklingum og litlum fyrirtækjum um grunnvinnslu ullar.
Í Ullarverinu er hægt að versla fjölbreyttar ullarvörur og finna fróðleik um íslensku sauðkindina og afurðir hennar.
Það verður hægt að sjá hvernig við breytum óhreinni ull í nýtilega afurð og læra hvernig hægt er að breyta ull í gull.
- Verslun
- Ullarvinnsla
- Fræðsla
- Vinnustofur
Verslun
Ullarverið rekur verslun með ullartengdar vörur í verksmiðjuhúsnæði í Borgarási rétt við Flúðir í Hrunamannahreppi.
Þar er hægt að kaupa ullarvörur, garn og unna ull.
Ullarverið er einnig með umboðssölu fyrir handverk úr héraði,
ásamt alls konar smávöru þar með talið undra ullarsápuna okkar ásamt duftlitum til litunar á ull og margt fleira.
Vefverslunin er alltaf opin!
Opnunartími verslunar:
mánudaga til föstudaga frá kl 14-17
laugardaga frá kl 12-15
sunnudaga lokað
Lokað á hátíðisdögum yfir jól, áramót og páska.
Hugsjónin
Við leggjum áherslu á fræðslu og upplýsingagjöf um mikilvægi sjálfbærni í ullarvinnslu. Með því að deila þekkingu og starfsaðferðum mun Ullarverið fræða viðskiptavini og samfélagið um mikilvægi sjálfbærar framleiðslu og hvernig hver og einn getur lagt sitt af mörkum til umhverfisverndar.
- Sjálfbærni
- Náttúrulegt
- Fræðsla
- Vinnustofur
Ullarvinnsla með nýju móti & persónuleg þjónusta
Leitast er við að veita persónulega þjónustu og uppfylla óskir viðskiptavinanna á sem bestan máta.
Ullarverið leggur áherslu á rekjanleika ullarinnar og að viðskiptavinur fái sína ull unna og afhenta.
Fræðsla og vinnustofur tileinkaðar ull og ullarvinnslu verða í boði í Ullarverinu.
Ullin
Litlar einingar
Ullarverið sérhæfir sig í að vinna litlar einingar. Einstaklingar geta komið með eigin ull til vinnslu og fengið hana til baka í því formi sem óskað er eftir. Ullin er þvegin, tætt og sett í lyppu eða kembu.
Náttúrulegt
Öll vinnsla á ullinni er á sem náttúrulegastan máta. Einungis eru notuð niðurbrjótanleg hreinsiefni til að þvo ullina og hreint íslenskt vatn.
Vinnustofur
Fræðsla
Námskeið verða auglýst í ullarvinnslu fyrir einstaklinga og hópa. Upplagt fyrir vinahópa, saumaklúbba og fróðleiksfúsa að koma á námskeið og vinna saman verkefni og fræðast í leiðinni.
Vörusala
Í verslun Ullarversins verður hægt að kaupa vörur frá Ullarverinu ásamt því að vörur frá handverksfólki í nágrenninu verða til sölu í umboðssölu.
Styrkur
Ullarverið hefur hlotið styrk frá SASS í gegnum Sóknaráætlun Suðurlands. Ullarverið hlaut styrk í vorúthlutun 2024 og í haustúthlutun 2024. Styrkurinn veitti okkur byr undir báða vængi við undirbúning Ullarversins. Með styrkveitingunni varð möguleiki á að hrinda þessari hugmynd um Ullarverið í framkvæmd.
